சமணப்பள்ளிகள் சொல்லும் கதைகள்…

இம்முறை எமது நிகழ்வு தொல்லியல் துறையைச்சேர்ந்த முனைவர் சாந்தலிங்கம், ஏறக்குறைய ஐந்நூறு ஆண்டுகளுக்கு முன்னே, தமிழ் நாட்டில் தலை சிறந்து விளங்கிய சமணம் மறக்கப்பட்டு விட்டதன்  வரலாறு அதனது காலகிரமத்தினூடே தெளிவாக எடுத்துரைத்தார்.




கைப்பள்ளத்தில் தேக்கிய நீர்




 திரு ஸ்ரீனிவாசன். கரவாஜியோ” ஆவணப்படம் பற்றிய தனது விவரணையைத் தொடர்ந்து  பேசுகையில், தமிழில் கவிதை எழுதுபவர்கள் மிக அதிகம். ஆனால் கவிதைகளை வாசிப்பவர்களும் கவிதை பற்றி பேசுபவர்களும் மிகக் குறைவு என்ற குற்றச்சாட்டு பரவலாக உண்டு. நவீன கவிதைத்தளத்தில் மட்டுமல்லாது தொடர்ந்து விரிவான பல தளங்களில் இயங்கி வரும் வெகு சிலரில் முக்கியமானவர் திரு சுகுமாரன் அவர்கள். முத்திரை பதிக்கும் மொழிபெயர்ப்புகள் கட்டுரைகள் என தொடர்கிறது இவர் பயணம் என்றார்.


’புனைவின் மர்மம்’



 
எமது எட்டாம் நிகழ்வை நவீன சிறுகதை எழுத்தாளர் திரு சுரேஷ்குமார இந்திரஜித்தின் புனைவின் மொழி என்ற தலைப்பில் அமைத்திருந்தோம். இந்நிகழ்வு இம்முறை நண்பர்களின் வசதி கருதி காந்திபுரத்தில் உள்ள தமிழ்நாடு ஹோட்டல் அரங்கில் நடத்தப்பட்டது. லௌகீகத்துக்கு உள்ள நியாயமான கடமைகளை நிறைவேற்றி நமது நண்பர்கள் வழக்கம் போலவே 1030 முதல் 1100 வரை வந்துகொண்டேயிருந்தார்கள்…….. முண்ணனி இலக்கிய பத்திரிகைகளில் தொடர்ந்து இவர் எழுதுவதால் அவரைப்பரிச்சயம் உள்ள வாசகர்கள் அறியும் வண்ணம் பரந்து பட்ட முயற்சி எடுத்திருந்தும் ஏனோ எமது முயற்சி திருவினையாகவில்லை.


அருவியின் எட்டாம் நிகழ்வு - 17 ஜூன் 2012

         எங்கள் அடுத்த நிகழ்வுக்கான அழைப்பிதழ் இதோ...!
                               அனைவரும் வருக....!!!!




                       படத்தை பெரிதாக்க அதன் மீது 'கிளிக்'க்கவும்

ஓவிய மொழி


தனது அம்மாவின் வரையும் பழக்கத்தால் தூண்டப்பட்டுத்தான் ஓவியம் வரையத்தொடங்கினார் ஜெயஸ்ரீ என்கிற மோனிகா. பின்னர் முறையான ஓவியக்கல்வியை சென்னை கவின் கலைக்கல்லூரியிலும், பரோடா மஹாராஜா சாயாஜி ராவ் பல்கலை கழகத்தில் ஓவிய வரலாற்றில் முதுகலை பட்டமும் பெற்றார். இந்திய ஓவிய வரலாறு குறித்து குமுதம் குழுமத்தின் தீராநதியில் ஆழமான கட்டுரைகளை எழுதி வரும் இவர், மொழி வழி ஓவிய வரலாறு மற்றும் ஓவியம் குறித்த ஆழ்ந்த மேலும் சரியான புரிதலுக்கு மிக அருகில் நம்மைக்கொண்டு செல்வதில் வெற்றி பெற்றுள்ளார் என்பதே அருவியின் தாழ்மையான கருத்து. கோவை காண்டெம்ப்ளேட் ஓவியக்கூடத்தில் 21 ஏப்ரல் 2012 அன்று மாலை, அருவியின் ஏப்ரல் மாத நிகழ்வாக, இந்திய ஓவியத்தில் நவீனத்துவம் என்னும் தலைப்பில் மோனிகா அவர்களால் வழங்கப்பட்ட பல்லூடக விளக்கத்துடனான உரை, ஓவிய மொழிக்கான ஒரு விஸ்த்தாரமான திறப்பாக அமைந்தது.
 


ஓவியம் பார்ப்பது கருத்துப்பரிமாற்றமோ, பார்வையாளனின் உலகத்தை பகிர்ந்துகொள்வதோ அல்ல. நமது கருத்தையோ அல்லது எண்ணத்தையோ ஓவியங்கள் பிரதிபலிக்க வேண்டிய நிர்பந்தங்கள்

அருவியின் அடுத்த நிகழ்வு: இந்திய ஓவியத்தில் நவீனத்துவம் - மோனிகா



அருவியின் அடுத்த நிகழ்வு வரும் சனிக்கிழமை (21 ஏப்ரல் 2012) மாலை 5 மணி முதல் அவினாசி சாலையில், கிருஷ்ணம்மாள் கல்லூரி எதிரில் உள்ள காண்டெம்ப்ளேட் ஓவியக்கூடத்தில் திருமதி மோனிகா அவர்கள் வழங்கும் பல்லூடக விளக்கத்துடனான உரை மற்றும் அழகின் எளிமை என்னும் எழுத்தாளர் சூடாமணியின் ஓவியங்கள் குறித்த ஆவணப்படத்திரையிடல் ஆகியன  நடைபெறும். எல்லா நண்பர்களையும் வரவேற்க்கிறோம். தங்கள் நண்பர்களுடனும் இந்நிகழ்வு குறித்த செய்தியைப்பகிர்ந்து கொள்ளவும்.

அருவிகோவை - மாற்றத்துக்கான முகவர்கள்

அருவிகோவையின் நிகழ்வுகள் மற்றும் செயல்பாடுகள் குறித்து கோவை டைம்ஸ் ஆஃப் இந்தியா நாளிதழில் வெளியான ” மாற்றத்துக்கான முகவர்கள்” என்ற தலைப்பில் வெளியான கட்டுரையின் ஒளி நகலை இங்கே பதிப்பிப்பதில் மகிழ்வடைகிறோம்.


தார்க்கோவ்ஸ்கியின் கலை







ஆந்த்ரேய் தார்க்கோவ்ஸ்கி


திரைப்படக் கலையை முன்னெடுத்து சென்ற மேதைகளில் ரஷ்ய இயக்குநர் ஆந்த்ரேய் தார்க்கோவ்ஸ்கி முக்கியமானவர்.  தனக்கென தனிப் பாணியை உருவாகியவர். ஐஸென்ஸ்டைனைப் போல உலகெங்கும் அறியப்படும் ஒரே ரஷ்ய திரைப்பட மேதை.. இவர் வழியில் இயக்குநர்கள் தொடர்ந்து  உருவாகிக்கொண்டிருப்பது இவரது கலை என்றும் வாழும் என்பதற்கு சாட்சியமாகிறது.1932 ஆம் வருடம் ரஷ்யாவில் மாஸ்கோவின் அருகிலுள்ள ஜவராச்சியில் பிறந்தார். அரசு திரைப்படக் கல்லூரியில் படித்தபோது அவர் உருவாக்கிய குறும்படங்கள் சிறப்பானவை. தார்க்கோவ்ஸ்கி தனது குறுகிய வாழ்நாளில் உருவாக்கியது ஏழு முழு நீள திரைப்படங்கள் மட்டுமே. அவரது ஏழு திரைப்படங்களும் அமரத்துவ படைப்புகள்; என்றும் புதுமையுடன் பார்பவரை  ஈர்ப்பவை. தார்க்கோவ்ஸ்கி திரைப்படத்தை கவிதையாக (Cinema as poetry) கண்டவர். காலத்தை முன் வைத்து. தனது திரைப்படங்களை உருவாக்கியவர். காலத்தை செதுக்கும் சிற்பியாக தன்னை எடுத்துக்கொண்டார். தனது திரைப்படங்களை பிறர்  அர்த்தப்படுத்தி விளக்குவதை அறவே வெறுத்தார். திரைப்படங்கள் உணரப்பட்டு உள்வாங்கப்பட வேண்டியவை; அறிவு பூர்வமாக  அணுகப்படவேண்டியவை அல்ல என்பதை வற்புறுத்தினார்.  தனது கலையையும்  படைப்பாக்க முறையையும் பிறருக்கு எடுத்துச் சொல்வதற்காக அவர் எழுதிய நூல் ‘Sculpting in Time’.

காட்டுப்பூவின் வாசம்

இருபதாம் நூற்றாண்டில் நாடக உலகை மரபின் வழியே அதன் போக்கை வளப்படுத்தியவர் பேராசிரியர் சே ராமானுஜம். நாடகத்துறையில் தீவிர ஈடுபாடு கொண்டு பிரபஞ்ச உணர்வுடன், தீராத தாகத்துடன், இடைவிடாத தேடலுடன் இன்னும் தனது எழுபத்தி ஏழு வயதிலும் ஒரு இருபது வயது இளைஞனின் வேகத்துடன் செயல்பட்டுக்கொண்டிருக்கிறார்.    
நாடகம் ஒரு சுயமான கலைவடிவம் அது, மற்ற கலைகளுக்குள் உள்ள ஒருமைத்தன்மையை தன்னகத்தே கொண்டது. நிகழ்த்தப்படும் நிலையிலேயே நாடகம் முழுமையான கலை வடிவம் பெருகிறதெனக்கருதுகிறார், இவர். நவீன நாடகத்துக்கான இவரது பங்களிப்பின் தாக்கம் இந்திய நவீன நாடகப்பரப்பில் வரலாற்றுத்தன்மை கொண்டது. இயல்பான கலைஞன் சூழலை முன்வைத்து, நாடக மொழியின் வெளிப்பாட்டுத்தொனி, அழகு, நுட்பம் போன்றவற்றின் தாக்கத்தை மட்டும் முன்னிறுத்தி, நாடகம் பார்வையாளனிடம் ஒரு அதிர்வினை மட்டும் வேண்டி நிற்க்கும் கலைவடிவமாக இவர் நாடக வடிவத்தை முன்வைக்கிறார். கைதட்டல் பெறும் இடத்தில் கலை தனது சுயத்திலிருந்து சருக்குகிறது, என்கிறார் பேராசிரியர்.

சாதாரணமாக, பழமை என்று ஒதுக்கிய வடிவங்களையும், அவற்றின் நுணுக்கங்களையும், அதன் அடி ஆழத்துக்குச்சென்று கிடைத்த புரிதலின் அடிப்படையில், வெளித்தெறியாத மக்களின் வாய் மொழிக்கூத்து, சொல்லாடல்கள், இசை மற்றும் நாட்டியக்கூறுகளைத்திரட்டி, அவற்றின் செழுமையான ஒரு வடிவத்தை மேடையேற்றுவதன் மூலம் அழியும் அந்த கலைவடிவங்களுக்கு உயிர் கொடுக்கும் ஒரு அரிய பணியினை அற்ப்பணிப்புணர்வுடன் செய்துகொண்டிருக்கும் இந்தப்பெரியவர்,  தனது வாழ்வுக்கும் நிகழ்த்துகலைக்குமான இடைவெளியினை இல்லாதாக்கி, நாடகமாகவே வாழ்கிறார். இந்தியாவின் தீவிரமான கலை வடிவங்கள், தொன்மையான நமது நாட்டுப்புறப்பாரம்பரியத்தைக்குறித்த புரிதலுடனே வளர்ந்து வந்திருக்கிறது. நிகழ்த்து கலைகள் அனைத்தும் எழுத்தப்பட்ட அல்லது பாடல் வடிவில் அறியப்படும் சொற்க்கட்டுகளிலிருந்து தனது சுயம்புவான வெளிப்பாட்டினை தொடங்குகிறது. அனுபவங்களின் அரூபமான கவிதையை நாடகம் நிகழ்த்திக்காட்டுகிறது. ஆதிவாசியின் முதல் கவிதைதான் நடனம் என்று கூறிச்செல்கிறார், ராமானுஜம்.